пераклад з англійскай

Пігулка супраць Аварыі на Шахце ў Спрынгхіле

Калі ты прымаеш сваю пігулку
гэта як аварыя на шахце.
Я думаю пра ўсіх загубленых у табе людзей.

У Тэхналагічным інстытуце Каліфорніі*

Мне похеру наколькі яны ўсе
разумныя: мне нудна.

Сёння цэлы дзень лупіць дождж
і няма чаго рабіць.

Я пакутую. Яна не

Я пакутую. Яна не
кахае мяне і я бадзяюся
па хаце як швейная машынка
якая толькі што прышыла
гаўняк да вечка сметніцы.

У кафэ

Я бачыў як мужчына ў кафэ склаў лусту хлеба так нібыта ён складаў пасведчанне аб нараджэнні ці глядзеў на фотаздымак мёртвага каханка.

Скачкі

19-га ліпеня самалёт пераехаў сабаку,
учынак, які прыносіць у гэты свет энергію,
якая ператварае грыфаў у прыгожых вараных рысакоў.

Так, коні чакаюць у загарадцы.
Вось стрэл, і гэта фантастычная гонка пачынаецца.
Коні бягуць па кругу.

Машынальны Мурашнік*

Згаладалы, сёння я быў прымушаны
да чарговай халасцяцкай вячэры.
Мне было вельмі складана зрабіць
выбар з’есці нешта кітайскае
альбо гамбургер. Божа,
як я ненавіджу вячэраць адзін. Гэта як быць мёртвым.